ᐅᑭᐅᖅᑕᖅᑐᕗᑦ,
ᓴᙱᓂᕗᑦ
Our Arctic,
Our Strength
ᐅᑭᐅᖅᑕᖅᑐᒥ ᓄᓇᖁᑎᑎᒃ ᐊᐅᓚᑕᑎᒃ ᐊᒻᒪᓗ ᐅᐊᑦᓯᓂᖅ ᐃᓄᖕᓂᒃ ᑲᑎᒪᔾᔪᑕᐅᓪᓗᑎᒃ, ᔫᓐ 25 ᐊᒻᒪᓗ 26, 2025 ᑲᑐᑎᔭᐅᓪᓗᓂ ᐃᓂᖃᖅᑎᑦᑎᓚᐅᖅᑐᑦ ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓ.
ᐅᓇ ᐃᒻᒪᑲᓪᓚᓂᑦ ᖃᓄᐃᓕᐅᕈᑕᐅᕙᒃᑐᖅ ᑲᑎᖓᑎᑦᑎᓚᐅᖅᑐᖅ ᓯᕗᓕᐅᖅᑎᓂᒃ, ᖃᐅᔨᒪᔪᒻᒪᕆᖕᓂᒃ, ᓄᓇᓕᖕᓂᒃ, ᐊᒻᒪᓗ ᒪᒃᑯᒃᑐᓂᒃ ᕿᓂᖅᖢᑎᒃ ᐊᒻᒪᓗ ᓇᓗᓇᐃᑦᑎᐊᖅᖢᒋᑦ ᐊᑕᐅᓯᕐᒥᒃ ᑕᑯᔪᒪᔭᑎᒃ ᓄᓇᕗᑦ ᐅᑭᐅᖅᑕᖅᑐᐊ ᓄᓇᖁᑎᑎᒃ ᐊᐅᓚᑕᑎᒃ ᐊᑕᔪᖅ ᐊᑑᑎᖃᕆᔭᖏᓐᒃᓂ, ᓯᕗᓪᓕᐅᑎᒋᐊᖃᖅᑕᖏᓐᓂᒃ, ᐊᒻᒪᓗ ᐃᓅᓯᖏᓐᓂᒃ ᓄᓇᕗᒻᒥᐅᑦ.
ᐅᓇ ᐊᑐᐊᒐᑐᐃᓐᓇᐅᓐᖏᑦᑐᖅ. ᐅᓇ ᐱᓕᕆᐊᒃᓴᖅ ᑐᑭᒧᐊᒃᑎᑦᑎᔪᖅ ᐱᕙᓪᓕᐊᑎᑦᑎᓂᕐᒧᑦ ᓄᓇᕗᒻᒧᑦ-ᐱᓯᒪᔪᓂᒃ ᐋᕿᒃᓯᒪᔾᔪᑎᒃᓴᓄᑦ ᐅᑭᐅᖅᑕᖅᑐᒥ ᓄᓇᖁᑎᑎᒃ ᐊᒻᒪᓗ ᐅᐊᑦᓯᓂᖅ ᐃᓄᖕᓂᒃ. ᐅᑯᐊ ᐋᕿᒃᓯᒪᔾᔪᑎᒃᓴᐃᑦ ᑐᑭᓯᓇᑦᑎᐊᖅᑐᓂᒃ ᑐᓴᖅᑎᑦᑎᓯᒪᔪᑦ ᒐᕙᒪᑐᖃᒃᑯᓄᑦ ᐊᒻᒪᓗ ᓯᓚᕐᔪᐊᒥ ᒐᕙᒪᒃᑯᓄᑦ, ᐱᓯᒪᔪᑦ ᓄᓇᕗᒻᒥᐅᑦ ᑕᐅᑦᑎᖏᓐᓂᒃ, ᓂᕆᐅᖕᓂᖃᑦᑎᐊᖅᑎᑦᑎᓂᖅ, ᐊᒻᒪᓗ ᐱᔪᓐᓇᐅᑎᖃᖅᑐᑦ ᐃᓱᒪᓕᐅᕆᓂᐊᕐᓗᑎᒃ ᐊᒃᑐᐃᔪᓂᒃ ᐅᑭᐅᖅᑕᖅᑐᒥᒃ.
ᓯᓚᕐᔪᐊᑉ ᓂᕈᐊᖅᑕᐅᓯᒪᔪᖏᑦ ᐱᔪᒪᓯᒪᖕᒪᑕ ᐅᑭᐅᖅᑕᖅᑐᒥᒃ ᐊᒻᒪᓗ ᐊᒃᑐᐃᓂᖓ ᓯᓚᐅᑉ ᐅᖂᓯᕙᓪᓕᐊᓂᖓᑕ ᐊᓯᖑᕐᓂᖓᓄᑦ ᑲᔪᓯᔪᒥᒃ ᐋᕿᒃᐸᓪᓕᐊᑎᑦᑏᓐᓇᕐᒪᑕ ᓄᓇᖁᑎᑦᑎᓂᒃ, ᓄᓇᕗᑦ ᐃᓂᖃᖅᐳᖅ ᓇᖏᕐᓗᑎᒃ ᓵᖓᓂ ᑲᓇᑕᐅᑉ ᓄᓇᖁᑎᖏᓐᓂᒃ ᑐᑭᓯᓇᓱᖃᑎᒌᒍᑕᐅᑎᓪᓗᒋᑦ. ᐅᓇ ᑲᑎᒪᓂᖅ ᐊᒻᒪᓗ ᐋᕿᒃᓯᓂᖓ ᐋᕿᒃᓯᒪᔾᔪᑎᒃᓴᓂᒃ ᓄᓇᕗᒻᒥᐅᑦ ᓯᕗᓕᐅᖅᑎᑕᐅᓂᐊᕐᒪᑕ ᓇᓗᓇᐃᖅᓯᒪᑦᑎᐊᖅᖢᓂ ᑲᓇᑕᐅᑉ ᐅᑭᐅᖅᑕᖅᑐᐊ ᑭᒃᑰᓂᖓᑦ ᐊᒻᒪᓗ ᑕᒫᓃᖃᑕᐅᓂᖓ.
ᐅᓇ ᑲᑎᒪᓂᖅ ᐊᑐᖅᓯᓚᐅᖅᑐᑦ ᐅᖃᖅᑎᖃᖅᖢᑎᒃ, ᐅᖃᓪᓚᒋᐊᖅᑐᖅᓯᒪᔪᖃᖅᖢᑎᒃ, ᐊᒻᒪᓗ ᐊᕕᒃᑐᖅᓯᒪᓪᓗᑎᒃ ᑲᑎᖓᕙᒃᖢᑎᒃ ᐅᖃᐅᓯᖃᓚᐅᖅᑐᑦ ᐊᑑᑎᖃᒻᒪᕆᒃᑐᓂᒃ ᐅᑯᐊᓗ ᐃᓚᒋᔭᐅᓪᓗᑎᒃ:
ᓴᙱᔫᓗᑎᒃ ᖁᓚᓕᖅᓴᕋᐃᙱᓪᓗᑎᒡᓗ ᓄᓇᓖᑦ
ᓄᓇᕗᑦ ᐃᓱᒪᒋᔭᖓᑦ ᐅᑭᐅᖅᑕᖅᑑᑉ ᓄᓇᖁᑎᖓ ᓴᐳᔾᔭᐅᓯᒪᓂᖓᓗ
ᓄᓇᕗᑦ ᐅᑭᐅᖅᑕᖅᑐᒥᐅᖑᖃᑎᒌᓂ
ᓄᓇᕗᒻᒥ ᑮᓇᐅᔭᓕᐅᕈᑕᐅᔪᓐᓇᖅᑑᑉ ᑮᒍᑎᓯᒪᔪᓐᓃᖅᑎᓪᓗᒋᑦ − ᓂᐅᕐᕈᑎᖃᕈᓐᓇᕐᓂᖅ, ᑕᐅᖅᓰᓂᖅ ᐊᒻᒪ ᑲᓇᑕᐅᑉ ᓯᓚᑖᓄᑦ ᐊᐅᓪᓚᖅᑎᑦᑎᓂᖅ
ᓯᓚᐅᑉ ᐊᓯᔾᔨᑉᐸᓪᓕᐊᓂᖓᓄᑦ ᓱᖏᐅᑎᕙᓪᓕᐊᓂᖅ ᐊᕙᑎᒧᓪᓗ ᐊᒃᑐᐃᓃᑦ